საქართველოს პირველი რესპუბლიკა

მთავარი
პროექტის შესახებ

კატალოგის წინასიტყვაობა

საქართველოს პირველი დემოკრატიული რესპუბლიკის დაარსებიდან 100 წელი გავიდა. ამ პერიოდის შესწავლას დიდი მნიშვნელობა აქვს ჩვენი სახელმწიფოს მშენებლობის ისტორიისა და უახლესი წარსულის კვლევის საქმეში.

პირველი რესპუბლიკის შესახებ მნიშვნელოვანი წყაროები საქართველოს ეროვნული არქივის ფონდებშია დაცული. 100 წლის იუბილესთან დაკავშირებით, ეროვნულმა არქივმა ახალი პროექტი წამოიწყო. ამ პროექტის ფარგლებში აღნიშნული დოკუმენტების ელექტრონული ასლები და მათთან დაკავშირებული ინფორმაცია ელექტრონულ კატალოგში განთავსდა.

პირველ ეტაპზე კატალოგში უკვე ხელმისაწვდომია ცენტრალური საისტორიო არქივის ე.წ. ,,ჰარვარდისა“ და ,,ლევილის“ კოლექციაში არსებული რამდენიმე ათასი დოკუმენტი. აღნიშნული მასალა 1996-1997 წლებში, გურამ შარაძისა და მამია ბერიშვილის ძალისხმევით, საქართველოში ჩამოიტანეს და ეროვნულ არქივს გადასცეს.

ეტაპობრივად კატალოგში განთავსდება პირველი რესპუბლიკის სხვა დოკუმენტებიც, მათ შორის, მამია და ქრისტინე ბერიშვილების ფონდი, რომლის დოკუმენტები ეროვნულ არქივს ტიერი ბერიშვილმა გადასცა.

ელექტრონულ კატალოგში დოკუმენტების მოძიება შესაძლებელია ფონდის, კიდური თარიღების, ენის, საკვანძო სიტყვების და აღწერილობის მეშვეობით.

კატალოგი უნიკალურ საშუალებას აძლევს 1918-1921 წლებით დაინტერესებულ ისტორიკოსებსა და ნებისმიერ მოქალაქეს სახლიდან გაუსვლელად მოძებნონ სასურველი დოკუმენტები და კვლევებში გამოიყენონ. ეს მნიშვნელოვანი მხარდაჭერაა ამ პერიოდით დაინტერესებული ქართველი და უცხოელი მეცნიერებისათვის.

ამავდროულად, ელექტრონული კატალოგი ხელს შეუწყობს საზოგადოების ცოდნის ამაღლებას საქართველოს პირველი დემოკრატიული რესპუბლიკის ისტორიის შესახებ.

სხვა კატალოგები
კონტაქტი

ძიება
გაფართოებული ძიება

ფაილი	საფუძველი	მოკლე აღწერა
	ფონდი: 2113 ანაწერი: 1 საქმე: 72	ნოე ჟორდანიას წერილები: „მიმართვა ყველა სოციალისტურ პარტიას და მუშათა ორგანიზაციას“, „ბოლშევიკების თავდასხმა საქართველოზე“, (წერილი „ფორვარდის“ რედაქციას), „პასუხი როსტას“. ავტოგრაფიც და სხვისი ხელით გადაწერილი.
	ფონდი: 2113 ანაწერი: 1 საქმე: 90	ნოე ჟორდანიას წერილები: „მცირე შენიშვნა“, „წამება საქართველოში“, „კომუნიზმი და დემოკრატია“, „კავკასიის კონფერენციის მიერ მიღებული ნოე ჟორდანიას მოხსენებები თეზისები“. „წერილები საქართველოდან“ – (საბჭოთა კავშირის მიერ შორეული აღმოსავლეთის სამხედრო-რევოლუციური კომიტეტის შექმნის შესახებ“, ჩინეთთან ურთიერთობა და სხვ.). ავტოგრაფები.